Eitt elsta tré borgarinnar er talið vera Silfurreynir sem stendur í Víkurgarðinum við Aðalstræti. Silfurreynirinn ( Sorbus intermedia ) var upprunalega gróðursettur árið 1884 af Hans Georg Schierbeck, þáverandi landlækni, en hann fékk til umráða hinn gamla kirkjugarð Reykvíkinga sem þarna hafði staðið í 800 ár og hóf tilraunaræktun á trjám, matjurtum og blómum. Schierbeck telst einn af frumkvöðlum þjóðarinnar í garðyrkju og skógrækt og á þeim tíma varð garðurinn fljótlega fyrirmynd landsmanna í ræktun.

Silfurreynir er svipmikið og harðgert tré og á uppruna sinn að rekja til Suður-Svíþjóðar en er ræktaður víða um heim.
Þann 21. ágúst árið 2010 tilnefndi Jón Gnarr borgarstjóri Silfurreynirinn Borgartréð 2010. Silfurreynirinn er um 130 ára gamalt og 10.9 m á hæð og er vel að titlinum komið. Silfurreynirinn getur náð 200 ára aldri og á því  að öllum líkindum eftir að lifa fram undir næstu aldamót.

Myndin af Silfurreyni er fengin að láni af Yrkjuvef